Phevos

2008 8.3

Dirt! Dirt! Dirt! Dirt!

    今日騎行東莞松山湖，就唔知點解，聽朝要踩車，今晚就來失眠，一失眠就凌晨四點先訓得著，跟住六點起身關六點半架鬧鐘，食早餐，換衫，打氣，裝水，直飛騎行部落，龍哥同小龍都未訓醒，七點集合，鬼影無只，咪等咯，整支好日子先！

鬼佬，香港佬，台灣佬，加埋深圳東莞佬，齊齊來影像！

松山湖入邊D柏油路，幾舒服，不過好曬！

小豬來啦，長安惡泥車隊架，隊員大部分台灣人，隊服，頭盔，GPS，對講機全副裝備，小豬真系巾幗不讓鬚眉，好勁，著住對高跟涼鞋，帶路帶到我地跟唔上，系甘喘氣，傳說距地車隊都無幾個跟得上距！勁！

好啦！到左松山湖門口個凱悅酒店，大家停低等長安D車友，我頂，來左幾十個，加埋我哋深圳D，虛憾咯！

鬼佬，香港佬，台灣佬，加埋深圳東莞佬，齊齊來影像！

影完直飛松山湖，長安惡泥帶隊，撲街，又系甘飛，D人又分散，跟唔上啦，識唔識帶隊架，踩好快咩？好勁咩？

終於都入到松山湖果個松湖花海啦，好high,好大，好high大！兜左一圈10幾公里，不過聽堂主話要春天來先好玩，有好多花開先好睇，宜家睇上去感覺就系一個水庫邊整幾條路比你踩車，呃逆托佛！

熱死，悶死，曬死！無咩心情取景，構圖去影像，騎系車度粒亂影！

騎啊騎啊騎，又唔見左大部隊啦！一問，分左幾個方向，頂Dirt! Dirt! Dirt! Dir! 惡泥，好唔爽啊，出左松山湖景區問保安，話大部隊向右轉，即刻加速追，追左一公里鬼影無只，即刻停低，打電話問阿偉，條友唔知高州定信宜，講野好似狗叫甘，系甘吠系甘吠，唔知講乜春，即刻調頭返去，終於系路邊好深入架停車場比我穩到班友仔系度食雪糕，what the f！

好多靚車！好多錢！

惡泥帶隊，又系甘飛，路口唔等人，撲街咯，隊伍分成幾個方向，我哋行捷徑，踩左成十幾公里，終於到YOYO食飯啦，中途踩得唔爽時問香港佬，YOYO好好吃咩，鬼死甘遠過來，距話，唔系啊！好難食！不過東莞車友聚會都系度啊！OK！

FB現場，背對住我哋離位肥仔哥哥要介紹下啦，我都唔知點解你成身裝備，GPS,對講機，跟住仲成日踩錯路，用下腦啦！

      YOYO都無令我失望，位置幾好，幾有特色，好似系惡泥車隊專屬FB地區，墻上面癡左好多像，電視系甘播惡泥D活動！車隊文化氛圍幾好！

墻上用留言同相片裝飾！

一些新聞和攻略！

騎行之歌和滇藏攻略！

好多留言！

勇文，你幾時來留左言征婚？

如果有間房，都想整成甘樣，車隊有個集合點嘛！

靚女車友！好靚啊！可惜果日無見到！

食飯，飲酒，影像，開始回程，哎！兩點半，曬爆左！

睇下個表，上寶安大道果時破一百公里，慢慢來，慢慢來，系西鄉仲見到個車友添，好無知，穩唔到組織，帶埋距返龍哥度，以後一起玩啦！到左部落發覺手上有好多沙，一認真睇，原來系汗干左析出鹽咯，呃逆托佛！

    返來果時，人重車重屁股痛，好難頂，系甘胡思亂想，睇來系要針對離三個問題升級部車啦